Current Fiscal year 2025-26 ke pehle 4 mahinon mein Pakistan ki textile exports tareekh ki buland tareen satah par pohanch gayi hain.
Arif Habib Limited ki report ke mutabiq is arsay mein textile exports 6.4 billion dollar record ki gayi, jo iss muddat ka sab se bara trade volume hai. Report mein kaha gaya hai ke value-added sectors ne is zabardast performance mein aham kirdar ada kiya.
Tafseeli data ke mutabiq:
- Knitwear exports: 1.9 billion dollar
- Ready-made garments: 1.4 billion dollar
Yeh dono sectors ke liye bhi pehle 4 mahinon ki tareekhi satah hai.
Exports mein izafa alami demand mein behtri, value-added products ki mazboot performance aur rupee ke stable rate ki wajah se dekhne ko mila.
Economic Experts ke mutabiq yeh kaamyaabi PMMuhammad Shehbaz Sharif ki business-friendly policies, policy continuity, industrial facilitation aur export sector ke liye behtar mahaul ka nateeja hai. In iqdamaat ne textile industry ki competitive position ko mazeed mazboot banaya.
Energy cost ke tadreeji istahkaam, business confidence ki bahali aur export sector ke liye asaniyon ne kul mila kar trading environment ko bhi mazboot kiya hai.
