Quantum Cloud aur Artificial Intelligence (AI) Tech ne Dell Technologies ke saath mil kar Pakistan ke corporate aur government sectors mein technological shift lanay ka faisla kiya hai. Dono companies mil kar scalable aur secure solutions faraham karain gi jo mulk ke mukhtalif industries ko mazboot banain gi.
Quantum Cloud & AI UK aur USA ka tajurba rakhta hai, jab ke Dell apni AI-enabled edge aur quantum computing ke zariye energy optimization aur predictive maintenance jese complex masail ka hal pesh karega. Is se businesses ke operations aur real-time data processing mein behtri aayegi.
Quantum Cloud & AI ke CEO Mansoor Bin Saeed ne kaha, “Dell ke saath ye alliance Pakistani businesses ko health, education, energy aur financial industry mein serve karega.” Dell ke Regional Director Naveed Khan ne bataya ke Dell Pakistan ke economic sectors mein innovation ko barhawa dena chahta hai.
Is partnership ke zariye, Quantum Cloud & AI Pakistan mein cloud aur AI infrastructure ke liye investments layega, jo business intelligence aur data security ko mazid behtar karega.
