Pakistan ki maishat tarakki ki taraf tezi se barh rahi hai. Hukoomat ki islahati policies ke natijay mein mulk mein maashi istihkam ka amal shuru ho chuka hai, jiska aitraf ab almi satah par bhi kiya ja raha hai.
Mulki aur ghair mulki sarmaaya kaaron ka barhta hua aitmaad ab positive economic indicators ki soorat mein saamne aa raha hai.
American jareeday USA Today ke mutabiq Pakistan “nayi bunyaadon par tarakki ki raah par” ghamzan hai. Behtareen reforms, private sector mein jadid rawaiyyat aur strong leadership Pakistan ko 2026 mein mazboot maeshat ke saath daakhil kar rahi hai.
Report ke mutabiq:
- Pakistan long-term investment ke liye aik mazboot aur moqa-afroz market ban raha hai
- Banking sector ne digitalization se modern sahuliyat di hain
- Technology aur outsourcing sector ki shohrat international satah tak pahunch rahi hai
Energy supply ke behtar hone se manufacturing, logistics aur exports mein naye mawaqe paida ho rahe hain. Macro-economic stability ke natijay mein automotive industry mein bhi bari investments aa rahi hain.
Textile, fertilizer, packaging, value-added food production aur minerals sectors mein tez taraqqi dekhne mein aa rahi hai, jab ke housing market mein bhi mulki aur ghair mulki sarmaaya kaaron ki dilchaspi barh rahi hai.
USA Today ke mutabiq tourism aur hospitality sector mein bhi baray moqay saamne aa rahe hain, jab ke private sector zyada mazboot, technology-driven aur global market se hum aahang hota ja raha hai.
