Islamabad:
Ministry of Information Technology ne bataya hai ke rawan maali saal 2025-26 ke pehle 5 mah ke dauran Pakistan ki ICT export remittances mein 18.5 feesad izafa record kiya gaya hai, jis ke baad baramadat ka majmoi volume taqreeban 1.80 billion US dollar tak pohanch gaya hai.
Ministry of Information Technology ki janib se jari karda adad-o-shumar ke mutabiq November 2025 mein sirf ICT services ki exports 356 million US dollar rahi, jo is sector ki behtar performance ko zahir karti hain.
Adad-o-shumar mein yeh bhi bataya gaya ke ICT sector mein 1.5823 billion US dollar ka trade surplus record hua, jo deegar sectors ke muqable mein zyada behtar karkardagi ka saboot hai.
Unhone ka kehna hai ke Pakistan ki digital economy ko ba-ikhtiyar banane ke liye policies aur reforms ko mazeed mustahkam banane ka silsila jari rakha ja raha hai, taake ICT exports mein mazeed izafa hasil kiya ja sake.
