Singapore/Karachi:
Pakistan ke annual fuel oil exports ne 2025 mein sab se ooncha record tor diya hai aur industry sources ke mutabiq yeh trend 2026 mein bhi stable ya upar rehne ka imkaan hai. Is ka sabab gharelu taxes ka barhna aur power plants ka cleaner alternatives (coal, solar) ki taraf shift hai.
Shipping data ke mutabiq, 2025 mein fuel oil exports 1.4 million metric tons ko cross kar gaye (lagbhag 8.9 million barrels), jo 2024 ke mukable 16% zyada hai. Zyada tar shipments Southeast Asia aur Middle East ko gayi hain.
LSEG aur Kpler data ke mutabiq, exports ab tak 1.33 million tons tak pohanch chuke hain, pichle saal ke 1.11 million tons ke mukable. Zyada tar cargo high-sulphur fuel oil (HSFO) ka tha, jo marine fuel aur refineries ke feedstock ke liye supply hua.
Industry experts ke mutabiq, Pakistan ke fuel oil exporters, jaise Pak-Arab Refinery, Cnergyico, Attock Refinery, National Refinery aur Pakistan Refinery, ne global market me apna edge banaya hai. Cnergyico ne fiscal year 2024–25 me 247,000 tons fuel oil export kiye, aur company ka aim hai ke 2025–26 me kam az kam 50% growth ho.
Industry sources ke mutabiq, next year exports maintain ya aur barh sakte hain. Syed Nazir Abbas Zaidi, Secretary General, Pakistan Oil Companies Advisory Council, ne kaha:
“Fuel oil electricity generation ke liye ab viable nahi, aur domestic market me profit bhi kam hai. Furnace oil exports ka trend 2026 me aur barhne ki umeed hai.”
