Saturday, July 13, 2024
spot_img
HomeEconomyPAKISTAN AUR CHINA NE $10 BILLION KI INVESTMENT KE LIYE MOUS SIGN...

PAKISTAN AUR CHINA NE $10 BILLION KI INVESTMENT KE LIYE MOUS SIGN KARDYE

Islamabad: Pakistan aur China ne economic growth ke liye $10 billion ki bhari investment ke liye MoUs par sign liye hain. Yeh joint ventures textiles, agriculture, food, aur car spare parts manufacturing jese key sectors mein industries qaim karne ke liye hain. MoUs private sectors ke darmiyan sign kiye gaye hain.

Karachi se aglay Tuesday ko Pakistan apni pehli shipment fresh mirchon ki China bhejne ja raha hai, jo ke October mein signed protocol ke mutabiq hai. Pakistan ne decide kia hai ke woh mirchon ko teen tareeqon mein export karega: taaza, paste, aur powder.

Halal meat ka bhi export karne ka MOU sign ho chuka hai, aur jald hi Pakistan boiled meat ki shipments bhejne ka irada kar raha hai.

Caretaker minister ne bataya ke China ne Pakistani agricultural products ko temporary taur par preferential access di hai. Iske liye duties reduce karne ka faisla hua hai, jiski finalization stakeholders ki consultation ke baad hogi.

China Chamber of Commerce for Import and Export of Textiles (CCCT) ne Pakistan se textile imports ko barhane ka izhar kiya hai. Ministry ne aim rakha hai ke 10% CCCT ke imports ko shift kiya jaye, jo ke China ke overall textile exports mein izafah karega.

Minister ne announce kia ke woh January 15 ko China ja rahe hain, jahan woh Chinese investors se mazeed muzakrat karenge. Ye investors apne investment plans finalize karne ke liye February mein Pakistan aane wale hain.

Proposed joint ventures mein puri tarah se Chinese investment hogi, jisse textile, khana, agriculture, aur automobile parts sectors mein exports ko value milay gi.

Investors European market ke teht, preferential market access ka faida utha sakte hain aur aik protocol ke mutabiq Cholistan desert mein 10,000 acres par Peanuts (moong phali) ki kheti hogi, exclusively export ke liye.

- Advertisment -spot_imgspot_imgspot_imgspot_img

Most Popular

×