Pakistan ke mining sector mein Reko-Dak project ke zariye aik naya inquilab aane ki tawaqqo hai. Competition Commission of Pakistan (CCP) ki jari karda report ke mutabiq, rare minerals se malamaal Pakistan mein sona, chandi, tamba, platinum aur gem stones ke wasee zakhair mojud hain.
Report mein bataya gaya ke Reko-Dak project se aglay 37 saalon mein 74 billion dollar ki aamdani ki tawaqqo hai. Project ki transparent traceability aur refining capacity se gold supply chain mazboot hogi, aur Gold & Gem Stone Authority ke qiyam se digital track & trace aur gold banking system ke zariye non-documented trade mein kami aasakti hai.
SIFC aur CCP ke efforts se refining aur jewelry industry mein taraqqi aur market transparency mein izafa mumkin hai. Reko-Dak project Balochistan mein hazaron jobs aur naye business opportunities bhi paida karega.
SIFC Pakistan ke mining sector ke mukhtalif fields mein taraqqi ke liye apna inquilabi kirdar ada kar raha hai.
