Islamabad: National Electric Power Regulatory Authority (NEPRA) ne bijli ke bill dair se ada karne walon ke liye surcharges ko slabs mein taqseem kar diya hai. Ab un consumers par 5 se 10 percent tak ka surcharge lagega jo deadline ke baad apne bill ada karain ge.

Naye slabs ke mutabiq, agar koi consumer deadline ke baad 3 din ke andar bill ada karega tou us par 5 percent surcharge lagega. Agar consumer 3 din se zyada dair karay tou 10 percent surcharge lagaya jayega.

Pehle sirf 10 percent late payment surcharge (LPS) har consumer se vasool kiya jata tha, lekin ab 3 din ke baad koi extra surcharge nahi liya jaye ga.

Lahore Electricity Supply Corporation (LESCO) ke consumers ke liye online bijli ke bill faraham kiye jayen ge. Consumers revenue department se deadline extension hasil karne ke baad online bill ada kar sakte hain.