“Vizarat-e-Khazana ne petrol, diesel ki nayi qeematon ka notification jari kar diya.

Notification ke mutabiq petrol ki fi liter price 8 rupee kami ki gayi hai, jis ke baad petrol ki nayi qeemat 323 rupee 38 paise fi liter muqarrar ki gayi hai.

Diesel ki qeemat mein 11 rupee fi liter kami ki gayi hai, high-speed diesel ki nayi qeemat 318 fi liter muqarrar ki gayi hai.

7 rupee 77 paise fi liter light diesel ki qeemat mein kami ki gayi, jabke mitti ka tail 7 rupee 53 paise sasta hua hai.

Vizarat-e-Khazana ka kehna hai ke aalami mandi mein petroleum masnuaat ki qeematon mein kami ke baa’is qeematein kam ki gayi hain. Rupee ki qadr mein behteri se bhi petroleum masnuaat ki qeematein kam karne ka faisla kiya gaya.”