Karachi – IGI Holdings Limited (IGI) ne Packages Limited mein 6.04% shareholding hasil karne ke liye aham qadam uthaya hai. Ye shares Stora Enso AB (Seller) se kharide ja rahe hain, aur is maqsad ke liye IGI aur Seller ke darmiyan Share Purchase Agreement (SPA) sign ho chuka hai.

Ye transaction 5,396,650 ordinary shares par mushtamil hai, jismein har share ki qeemat Rs 487.5 muqarar ki gayi hai. Yeh shareholding IGI ko Packages Limited mein mazeed asar aur muqam faraham karegi, jo ke ek listed associate concern hai.

Transaction ke completion ka process applicable regulatory approvals aur SPA ke terms ke mutabiq kiya jayega. IGI ne yeh bhi kaha hai ke kisi bhi tarah ki further development ki bar waqt ittila di jayegi, taake tamaam zaroori qawaid aur regulations ka khayal rakha ja sake.