SAZEW ne FY24 mein zabardast financial performance dikhaya, jismein PKR 7,936 million ka profit after tax (PAT) report hua, jo ke pichlay saal ke PKR 995 million se 8 times zyada hai. Earnings per share (EPS) bhi barh kar PKR 131.29 hogayi. Q4FY24 mein, company ka munafa PKR 3,487 million tha (EPS: PKR 57.69), jo ke 7.4 times zyada hai as compared to last year. Is quarter ke liye PKR 12.0/share ka cash dividend announce kiya gaya, jis se total annual payout FY24 mein PKR 20.0/share ho gaya hai.
SAZEW ke paas filhal mulk bhar mein 50+ three-wheeler booking agents aur 16+ four-wheeler dealers hain. Management ka kehna hai ke ye apni dealership network ko aur expand kar rahe hain aur nayi export markets explore kar rahe hain. Company ka maximum production capacity 80 units per day hai, jabke abhi wo 43 units per day bana rahe hain. Haval vehicles ke total sales mein Haval H6 ka 67% hissa hai, jabke Haval Jolion ka 33% hissa hai.
Company apni four-wheeler manufacturing facility ko barhane ke liye 4-megawatt solar system install karne ka plan kar rahi hai, jismein PKR 4.5 billion ka CAPEX lagayega. Management ka kehna hai ke ye investment storage aur paint shops se related challenges ko kam karega. BYD ke competition ke hawale se management ne kaha ke iske aane se Pakistan mein Chinese dominance aur bhi solidify hogi. Auto policy ke expire hone ke baad FY26 mein zyada duties se margins par asar par sakta hai, lekin company ne is maslay ke liye strategies develop karne ka plan banaya hai.
SAZEW ke three-wheelers ka export ab 25 mukhtalif countries mein ho raha hai, jis mein kuch African mulk jaise ke Nigeria, Kenya, Uganda aur kuch Asian mulk jaise Japan, Philippines, Indonesia aur Cambodia shaamil hain. Pakistan mein company ke filhal 16 showrooms active hain aur 2025 tak is number ko barhakar 25 tak le jane ka irada hai.
Company nayi energy vehicles (NEV) ke naye models introduce karna chahti hai aur November 2024 mein aane wali NEV policy ka intezaar kar rahi hai. Company ka kehna hai ke EV rickshaws ke liye infrastructure se zyada price barrier hai, jo ke is waqt PKR 1 million hai. Tank 500 ke localization par company ek market study conduct kar rahi hai, jis ke baad local assembly ke hawale se faisla kiya jayega.
