Karachi: State Bank ke jaari karda data ke mutabiq, 500 million dollar Eurobond aur doosray baironi qarzay chukane ke bawajood Pakistan ke foreign exchange reserves mein izafa record kiya gaya hai, jo mulk ke external sector mein behtari ki nishandahi karta hai.
Tafseelat ke mutabiq, 3 October 2025 tak Pakistan ke majmoi foreign exchange reserves barh kar 19 arab 81 crore dollar tak pohanch gaye. Sirf State Bank ke reserves mein 2 crore dollar ka izafa hua, jis se inka total 14 arab 42 crore dollar ho gaya, jab ke commercial banks ke paas 5 arab 39 crore dollar ke reserves mojood hain.
Experts ke mutabiq, Eurobond adaigi ke bawajood reserves ka barhna is baat ka saboot hai ke Pakistan ke foreign inflows aur currency management policy behtar rukh par hain, jo qarz ki adaigi ke bawajood stability ko barqarar rakhe hue hain.
