Karachi: Pakistan Flour Mills Association ne khatre ka ishara diya hai ke agar Sindh Government ne January ke liye wheat quota foran na diya to aatay ki qeematain kaboo se bahar ho sakti hain.

Association ke Chairman Abdul Junaid Aziz ke mutabiq, flour mills ne Sindh Government ke pass 3.5–4 billion rupees gandum kharidne ke liye jama karwa diye hain.

Billions rupees ki advance payments ke bawajood wheat ka release delayed kiya ja raha hai, jab ke Sindh Food Department ke pass wheat ke kaafi stock mojood hain.

Sindh Government ne har flour mill ke liye 16,600 bori ka quota tay kiya hua hai.