Hukumat-e-Pakistan ne Ghazij/Shawal discoveries se Mari Field, Daharki, Ghotki, Sindh ki gas Fauji Fertilizer Company (FFC) ke Port Qasim Plants ke liye allocate karne ki manzoori de di hai.
Approval ke mutabiq, 104 MMscfd raw gas (jo ke 80 MMscfd processed gas ke barabar hai) FFC ke Port Qasim Plants ko muhaiya ki jayegi. Raw gas Mari gas field delivery point par OGRA ke notified wellhead price par deliver ki jayegi.
Company Mari Energies Limited ke saath Gas Sale & Purchase Agreement karegi aur gas processing, compression, aur transportation Sui companies ke zariye Third-Party Access Rules, 2018 aur Pakistan Gas Network Code ke mutabiq arrange karegi. SNGPL aur SSGCL gas swap arrangements bhi FFC Port Qasim ke liye mukammal karenge.
Ghazij/Shawal gas ka full potential waqt lega, is liye maujooda gas supply arrangement FFC(PQ) aur SSGCL ke darmiyan tab tak jari rahega jab tak final gas allocation implement nahi hoti.
