Karachi: Pak Rupee ne Interbank market mein Dollar ke against PKR 11.07 gain hasil kia. Ye gain International Monetary Fund (IMF) se crucial bailout package ke tor par $ 3 billion dollar ki waja se hasil kiya hai.
Jab currency market Eid Holidays ke bad open hue to Pak Rupee, Dollar ke against 274.92 tak ka trade kar raha tha.
Open market mein Pak Rupee ne Dollar ke against PKR 3 gains hasil kia tha aur 287 tak ponch kar band hui thi.
Friday ko IMF staff aur Pakistani authorities ne policies ke liye 3 billion dollars ki disbursement ke liye staff-level agreement tak pohunch gaye hain.
Moody’s Investors Service aur Fitch Ratings Pakistan ki financing capabilities lingering risks dekh rahe hain, Pakistan ko July se start hone wale 25 billion dollar ke debt repayment face karna parega, jo recently $3 billion ke loan program ke liye initial approval se zyada hai.
Pakistan ke liye IMF se mili crucial bailout package ki good news ne Pak Rupee ko dollar ke against strong kardiya hai aur Pakistan ke liye financing challenges ko face karte hue bhi economic conditions mein improvement ki expectations di hain. Lekin iske saath hi loan repayment aur economic recovery ke liye aur bhi significant financing ki zaroorat hogi.
