Islamabad: Mulq se sports goods ki exports mein wazeh izafa dekhne mein aaya hai. Current financial year 2025-26 ke pehle paanch mahon (July–November) mein sports goods export 15.86% barh kar 179.334 million dollar tak pohanch gayi.
Pakistan Bureau of Statistics (PBS) ke mutabiq pichlay saal isi duration mein sports goods ki export 154.791 million dollar thi, jab ke is saal yeh barh kar 179.334 million dollar ho gayi.
Products ke hisaab se footballs ki export mein sab se zyada izafa record hua — 23.64%. Footballs ki exports 91.911 million dollar se barh kar 113.638 million dollar tak pohanch gayi. Gloves ki export 10.34% kam ho kar 27.220 million dollar se gir kar 24.406 million dollar reh gayi. Dusri tamam sports items ki export 15.79% barh kar 35.660 million dollar se 41.290 million dollar ho gayi.
Saalaana bunyad par November 2025 mein sports goods export 7.80% barh kar 29.363 million dollar se 31.652 million dollar ho gayi. Is dauran footballs aur doosray sports items mein izafa jab ke gloves export mein kami record hui.
Mah ba mah data ke mutabiq November 2025 mein sports goods export October 2025 ke muqable mein 13.83% kam rahi.
