Karachi: DG Khan Cement Company Limited ne ittila di hai ke company ne Pakistan ki sab se bari single clinker production line qaim karne ke liye Letter of Credit (LC) establish kar diya hai.
Naye brownfield project ke tehat 11,000 tons per day capacity ki clinker production line Mauza Khofli Sattai, Dera Ghazi Khan site par lagai jayegi.
Is project ke zariye company ki production capacity mein numaya izafa hoga aur cement sector mein competitive position mazid mustahkam hone ki umeed hai. Company ke mutabiq is hawalay se zaroori disclosure form bhi jama kara diya gaya hai .
