Lahore: Oilboy Energy Limited ne apne shareholders ko ittila di hai ke Company ka Extra-Ordinary General Meeting (EOGM) 16 December 2025 ko subah 9:30 bajay Lahore ke registered office me mun’aqid hoga. Meeting ka maqsad Right Issue se hasil honay walay Rs. 250 million funds ki utilization me tabdeeli ki approval leni hai.

Company ne shareholders ke samne ek Special Resolution rakhi hai jisme kaha gaya hai ke pehlay yeh funds “Bio-Oil from Pyrolysis – Waste to Energy” project ke liye rakhe gaye thay, lekin ab unhen neeche diye gaye maqasid ke liye istemal kiya ja chuka hai:

1. Company ke trading business (coal, LPG aur allied fuels) ka expansion

2. Storage, logistics aur supply chain infrastructure ka enhancement

3. Working capital aur operating assets ka mazboot banana

Resolution me CEO ko tamam regulatory filings aur documents submit karne ki authority bhi di jayegi.