Karachi: Pakistan ke total liquid foreign reserves me thora izafa dekhne ko mila hai, jo 14 November 2025 tak barh kar $19.738 billion ho gaye. State Bank of Pakistan (SBP) ke paas mojood zakhair me bhi behtari rahi, jo $27 million barhe aur $14.551 billion tak pohanch gaye.

SBP ki weekly report ke mutabiq, commercial banks ke net foreign reserves me $12.6 million ki kami rahi, jiske baad unka level $5.186 billion record kiya gaya.

Pichlay hafte (7 November 2025) total reserves $19.723 billion thay, jis me SBP ke paas $14.524 billion aur commercial banks ke paas $5.199 billion mojood thay.

Financial Experts ke mutabiq, reserves me ye chhota sa izafa stability ka positive indicator hai, jab ke commercial banks ke zakhair me girawat liquidity trends ko reflect karti hai.