Islamabad:
Pakistan me electric vehicles (EVs) ki taadad 76 hazaar se zyada ho chuki hai, jabke hukoomat ne 2030 tak total car sales ka 30% electric vehicles par shift karne ka hadaf rakh liya hai.
National Assembly ki Standing Committee on Finance ka ijlaas Syed Naveed Qamar ki zair sadarat hua jisme Electric Vehicle Policy par tafseeli ghoor hua. Chairman Committee ne kaha ke policy me tazad hai ā budget ke baad hybrid cars par tax lagaya gaya hai jabke 2 aur 3 wheelers ko chhoot di gayi hai.
Secretary Industries & Production ne brief karte hue bataya ke IMF ne policy se agreement kar liya hai ā jiske tehat $1.4 billion financing aur IFC se $1.8 million grant mil rahi hai.
Unhon ne kaha ke EV policy se $1 billion fuel import ki bachaat hogi, aur public health ke liye $450 million cost reduction ka andaza hai. Ab tak Pakistan me 76,000 se zyada EVs maujood hain aur international companies local production ke liye interest dikha rahi hain.
2030 tak 3,000 charging stations ka hadaf bhi tay kiya gaya hai.
Electric motorcycles (qeemat Rs2.5 lakh) par Rs80,000 subsidy di jaayegi.
Ā
Charging stations ke liye unit price 92 rupees se kam karke Rs39.07 mukarrar kar di gayi hai, lekin station owners apni selling price set kar sakte hain.
Secretary ne ye bhi bataya ke electric bikes aur rickshaws tezi se barh rahe hain ā is saal 1 lakh 2 & 3 wheelers ka production target hai, jabke Punjab se 7 guna zyada applications mili hain.
Agla qadam ā charging stations ke liye naye regulations, battery production 1 saal me local level par, aur 2 saal me spare parts 100% local manufacturing ka plan hai. Agar ye hadaf poora na hua to subsidy band kar di jaayegi.
