Karachi: Unity Foods Limited ne ek naya milestone hasil karte hue Biofuel Feedstock ki exports officially start kar di hain. Company ke mutabiq, ye qadam unki diversification aur sustainability strategy ka aham hissa hai.
Unity Foods Limited ne current fiscal year ke liye USD 30 million ke export contracts sign kiye hain, jis se company global biofuel feedstock market mein ek ubharti hui aur reliable supplier ke tor par samne aa rahi hai.
Company ka kehna hai ke ye initiative unke long-term vision ke mutabiq hai, jis ka maqsad product portfolio ko expand karna, stakeholders ke liye value create karna, aur renewable energy resources ke development mein apna kirdar ada karna hai.
