Karachi: Indus Motor Company Limited ne aik ahem disclosure kiya hai ke company ko is waqt raw materials aur components ki kami ka samna hai, jo supply chain challenges ki wajah se paish aayi hai. Yeh kami parts aur components ki timely supply mein rukawaton ke sabab hui hai, jo vehicle production ke liye zaroori hain.
Raw materials aur components ki yeh kami pehle se chal rahi thi, magar ab supply chain ke masail hal nahin ho sake. In halaat ke madde nazar, Indus Motor Company ne apna production plant temporarily band karne ka faisla kiya hai. Yeh bandish 26 September 2024 se 30 September 2024 tak jari rahegi.
Company ne supply chain masail ko hal karne ke liye apni koshishon ka zikar kiya aur yaqeen dilaya ke jald se jald production dobara se resume kar di jayegi.
