Petroleum masnoaat ki qeematoun mein bari kami kardi gayi. Wazarat-e-Khazana ne nai qeematoun ka notification jaari kardiya.
Notification ke mutabiq petrol ki qeemat mein 15 rupe 39 paise fi liter kami kar di gayi, jis ke baad petrol ki nai qeemat 273 rupe 10 paise hogayi.
Wazarat-e-Khazana ke notification ke mutabiq high speed diesel ki qeemat mein 7 rupe 88 paise fi liter kami ki gayi hai, yun nai qeemat 274 rupe 8 paise fi liter hogi.
Light diesel oil ki qeemat 7 rupe 54 paise fi liter kami ke baad 161 rupe 17 paise fi liter hai.
Mitti ke tail ki qeemat 9 rupe 86 paise fi liter kami se 173 rupe 48 paise fi liter muqarrar ki gayi hai.
Notification ke mutabiq petroleum masnoaat ki qeematoun mein kami ka itlaaq aaj raat 12 baje se hoga.
